افضل المشاريع الناجحة في السعودية

المغسلة في وجهة نظري مجدية 

و الأهم منها الموقع قبل كل شي

لأني جلست مع أصحاب مغاسل ناجحين

و شبكت لي هندي يعمل في مغسلة :5:

حسب كلامه دخله الشهري 13000 ريال و العهدة عليه

و يعطي كفيله 5000 ريال و الإجار على الكفيل

ولكن هذا الهندي نشيط

يفتح الساعة 6 و يغلق الساعة 12

الديكور حقه مريح و الإضاءة مريحة جداً و رهيبة تدخلك جوّ :8:

أنا أكوي عنده و ما ودي أطلع من عنده بصراحة :4: 

ناهيك عن إنه عنده خدمة قلّ ما تجدها في المغاسل الثانية

كونه يجيك لين السيارة و أنت جالس فيها و ياخذ ملابسك

و إبتسامته و أخلاقه من أروع ما يمكن و أتوقع هذا سبب نجاحه

بالإضافة للموقع 

أنا بصراحة فيه مكان حولنا منشن عليه :3: بس لا تعلم أحد :4:

مسافة 1 كيلو من الإشارة للإشارة و ما فيها ولا مغسلة :3:

و لكن المشكلة إن الإجارات جداً مرتفعة في تلك المنطقة

أقل شي 30000

ولا أدري عن الشغل فيها 

بمعنى هل سيكون مجدي ؟

بصراحة ناوي أفتح مغسلة هناك بس زي ما قلت لك 

لا تعلم أحد :3: 

و ناوي أقف عليها بنفسي 

بحط لي مكتب و أحط فيه كتبي و أوراقي و إنتر نتي :5:

و بسوي لي فيه زي الكوفي شوب المصغر :8:

و أعزم فيه خوياي كل ما طفشت 

و أصير أكلمكم منها و أكتب المشاركات و أنتم تسمعون صوت النشاف و المكوى :4:

و تشمون ريحت الكومفرت

و لكن خايف من الخسارة و خايف ما ألقى عامل شغيّل و مخلص

يعمل مقابل راتب شهري 

و عندي إستعداد أعطيه راتب بالنسبة للشغل و بحد أدنى و بدون حد أعلى 

بصراحة العمال مثل الحرمة و الجحة :2: 

يعني يمكن يطلع ابن حلال (_ و زين 

و يمكن يطلع أرعه


1- براس مال 30000 ريال دخله الشهري يقترب من راس المال

مكونات المشروع محل + مجموعة سكاكين + ميزان + ثلاجه وطاوله

+ قصاب سوداني + سياره 

االشروط يكون الحاشي بري يعني متربي بالبر بعيد عن الحجز بالشبوك

لأن المستهلك متذوق يبحث عن الافضل



المشروع الثاني براس مال 100000

سياره دينا ثلاجه تتسع الى 300 كرتون دجاج

الساعه العاشره مسا بتعبئتها وعند الفجر كل يوم تمسك خط

الخط الاولى على سبيل المثال الرس الدوادمي او الرس حائل او الرس المدينه او الرس عفيف

مكسب الكرتون اواحد من 5ريال الى 7

المحصله النهائيه 300 كرتون بمكسب 5 ريال تساوي 1500 ريال يعنى الشهر 45 الف ريال



المشروع الثالث

بمبلغ 150000 

شيول صغير بوك كات + سياره دينه قلاب 

شيول كتل بيلر مقاس 20 او 30 

وايت ماء

الدخل الشهري بحدود 7000 ريال صافي شهري



المحلات التجاريه الاخرى خلفيتي عنها ضبابيه بس فيه مثل يقول الي شريكك الماء فيه ماتخسر

مثل على سبيل المثال بوفيه 

شاي يحتوي على ماء + سكر + شاهي


فرص اخرى من وجهت نظري بمدينة الرس

1- وجود مطعم متخصص بالوجبات البحريه على سبيل المثال يضاهي مطعم عمو حمزه بالجوده 
2- محل داخل السوق يحتوي على العاب وملاهي خاص لاطفال يشرف عليه طاقم نسائي يخدم المتسوقين والمتسوقات
بوضع اطفالهم فيه خلال التسوق كما هو معمول فيه بالاسواق الكبيره بالمناطق الاخرى

3- مطاعم متخصص للعنصر النسائي بالمولات

4- محلات لملابس الاطفال تحتوي على ملابس ماركات عالميه ذات جوده عاليه

5- سوق ابوريالين بس يكون كبير

6- شركة تاجير سيارت للتوصيل من مكان الى مكان اخر داخل المدينه بسائق خاصه للعوائل مثل تكسي لندن
7-شركه لنقل المعلمات تظم اسطول من السيارت الجديده ذات المتانه والجوده المقاومه لمخاطر الطريق لاقدر الله

شبيه بسيارت المواكب الرسميه وسيارت نقل الامول