الجمعة، 27 فبراير 2015

أقوى أفكار مشاريع متوسطة في السعودية ومصر و ممكن تنفد في جميع الدول العربية


1 – مشروع كوفي شبابي يتلخص بتقديم خدمة الانترنت وبشكل رئيسي يكون
ملتقى لمتابعة مباريات كرة القدم "المشفرة" طبعا مع تقديم الخدمات الاخرى للكوفي


2 – إقامة ملعب كرة قدم سداسي مفروش بنجيلة صناعية ومدرجات أو يكون مشروع
استراحة بأسلوب راقي لمسمى استراحة ..تتضمن مسبح وملاعب طائرة و سلة ومسطح
أخضر ...


3 – تنفيذ مشروع محل الكترونيات بيع و تقسيط و صيانة كافة الاجهزة ..لاب توبات
و جوالات ...



4 – اقامة مركز ألعاب الكترونية ..ملتقى لهواة البلاي ستيشن و سواه واقامة
بطولات الكترونية للالعاب المرغوبة خلال فترة الاجازات..


5 – ممكن هالفكرة مجنونة بالنسبة لكم ولكن مرت علي و رغبتها بشدة لانه في
فترتها كانت ممكنة التحقيق وهي ...نادي لتعليم الرماية وانا فعلا رغبت هالفكرة
بظل السماح في فترة مضت لاقامة اندية رماية خاصة بشروط معينة ...


6 – اقامة نادي صحي رياضي..و الفكرة واضحة تتلخص بتوفير أجهزة رياضية
ويكون مركز رياضي للراغبين بالحفاظ على لياقتهم ...



...بالنهاية كانت هالمشاريع احلام متبخرة و ما لقيت دعم من الصناديق ولا توافرت
الشروط اللي يبونها ...و تركت التفكير بالشغلة واللي يشوف هالمشاريع كلها تحتاج
راس مال و يد عاملة و محل و متابعة يومية ....ولكن في الفترة الاخيرة

فطنت لي فكرة غير رائجة و مضمونة و لا تحتاج يد عاملة ولا محل ولا شيء
و حتى يمكن ما تسوى كلمة اخذت قرض لها !

يمكن في التجربة الاولى تحتاج 10 ألآف ريال ..و في حال ضمان نجاحها بقوة
اكييد راح تجسر وتثق و تدخل بمبلغ أكبر ...و ربح هالمشروع في كل صفقة تعقدها
يتراوح من 60 إلى 85 % ..و راس مالك موجود !!


و هي بكل بساطة ..؟ و لا خلوني اسوي مقدمة لها


اللاب توب و البلاك بيري والايفون وهالاجهزة ..قيمتها عندنا ما نقدر نضرب فيها
مثال ..ولكن انا اقدر ابسط الامر... البلاك بيري ..قيمته بالمملكة وبشكل موحد تقارب
الـ2000 ريال هذا بالنسبة للنوع الافضل ...طبعاً هذا السعر بالمحلات هنا يشمل قيمته
الحقيقة و مربح لا يقل عن قيمته الحقيقة ! ....وهذا الكلام يشمل كل الاجهزة الالكترونية
اللي تباع بالسوق ...؟ كويس



الآن المشروع اللي ابي اقوله هو ...استيراد مثلا 10 اجهزة بلاك بيري و من خارج
المملكة وتحديدا قلب اوروبا ..لندن مثلا

عن طريق احدى شركات خدمات الشحن ..فيدكس و ارامكس وغيرها ..وهي لها رحلات
جوية لاستيراد ونقل وجلب كل شيء من والى المملكة ..ولهم رسوم بسيطة عن كل شحنة


البلاك بيري اللي عندنا قيمته 2000 ريال ...قيمته خارج المملكة اصلا حوالي الـ1000 ريال

ولو تم استيراد كمية من هالجهاز 10 مثلا عن طريق هالشركة ..للمملكة راح يكلفك 10 آلاف
ريال كرأس مال للمشروع ...وعند وصول بضاعتك تصل للمحلات الجافة اللي ما فيها سوق
بلاك بيري ...وتعرض عليهم البلاك بيري من 1500 ريال إلى 1850 ريال ..و خل صاحب
هالمحل يربح في بيعته 150 ريال مثلا ...

انت شاري الجهاز بـ1000 من خارج المملكة بتكلفته الأصلية وتبيعه هنا بسعر
سوقك أو أقل شوي تمشي بضاعتك و تربح المحل كم مئة ..بكم جهاز لانه يحلم
يلقى الجهاز بالسعودية بأقل من 1900 ريال ..


وانت راس مالك موجود من هالصفقة و على كل جهاز قولوا ..ربح 800 ريال
وهم 10 أجهزة بلاك بيري ...؟ ربحك في صفقة تصريف البضاعة 8000 آلاف ريال
وانت دفعت من البداية 10 آلاف ...كم صار معااااك من الصفقة 18 ألف وممكن أكثر
أو أقل انت و طريقتك بالبيع !!


هذي خطة مشروع ما يحتاج شيء سوى تدق سلف سيارتك مرتين..المرة الاولى
تروح لمكتب خدمات الشحن وتطلب بضاعتك وتدفع رسومها ...و تدق سلف
مرة ثانية و تستلمها ولا ترجع لبيتك إلا و أنت مصرف بضاعتك ..وصلى الله وبارك




والسلام عليكم ورحمة الله وبركاته

Twitter Delicious Facebook Digg Stumbleupon Favorites More